Medical Information

Нүд нь хүний төрх байдлыг бүрдүүлэхэд

маш чухал үүрэг гүйцэтгэдэг.

Хүний төрх сэтгэгдлийн ихэнх хэсгийг нүд бүрдүүлдэг гэж хэлэхэд

хилсдэхгүй бөгөөд нүд нь тухайн хүний

ерөнхий төрхийг тодорхойлоход чухал үүрэгтэй байдаг.

Ялангуяа өнөө үеийнх шиг амны хаалт зүүх нь

өдөр тутмын хэвшил болсон коронавирусний үед

нүдний гүйцэтгэх үүрэг бүр ч илүү өндөр байх нь дамжиггүй биз ээ.

Тиймээс давхраагүй, эсвэл

давхраатай боловч хиам шиг зузаан,

эсвэл ерөөсөө нүдний хэлбэр нь сэтгэлд хүрэхгүй байгаа тохиолдолд

нүдний мэс заслыг бодолцож эхэлдэг.

Нүдний мэс заслууд дундаас хамгийн нийтлэг бөгөөд

ихээр хийгддэг мэс засал бол

давхраа хийх ажилбар юм.

Давхраа хийнэ гэдэг нь нүдээ нээх үед

зовхи нэг нугалаа үүсэхээр хийж өгөх үйл явц бөгөөд

нүд томорч харагдахаас гадна бүрхэг төрхийг сайжруулж өгдөг тул

сэтгэл ханамж өндөр байдаг нь ажиглагддаг.

Эдгэрэх хугацаа харьцангуй богино бөгөөд

эртнээс олон хүмүүс хийлгэж ирсэн тул бодит үр дүнгүүдийг ч

хангалттай олох боломжтой учраас

одоог хүртэл хамгийн идэвхтэй хийгддэг

ажилбаруудын нэг юм.

Давхраа хийхдээ зүсэлттэй арга, зүсэлтгүй арга,

хагас зүсэлттэй арга гэх мэт олон аргаар

хийгддэг бөгөөд

зовхины зузаан, үрчлээ, булчингийн хэмжээ зэргээс хамааран

тохирох аргаар ажилбарыг хийдэг.

Зүсэлтгүй аргаар хийгдэх тохиолдолд

тохирсон өндөртэй давхрааны шугамыг төлөвлөсний дараа

шаардлагатай бол зүсэлтийн хэсгийг сунгаж өөхийг авч,

зориулалтын тусгай утсаар арьс болон зовхины мөгөөрсийг оёж

хооронд нь наалдуулах арга юм.

Зовхины арьсыг зүсэхгүйгээр

жижиг нүх гарган арьсан дотуур утас оруулдаг

арга тул хийлгэсэн эсэх нь мэдэгдэхгүй байгалийн мэт

давхрааны шугамыг бий болгодог учраас

олон хүмүүсийн сонгодог арга юм.

зовхи нимгэн, унжаагүй тохиолдолд,

Давхраа нь зөвхөн нэг талдаа байгаа тохиолдолд,

давхраа гарч ирээд алга болох нь давтагддаг тохиолдолд,

мэс ажилбарын дараа хурдан эдгэрэхийг хүсэж байгаа үед

зүсэлтгүй аргыг хэрэглэх боломжтой боловч

зовхины арьс их үрчлээстэй,

дээд зовхи өргөгч булчингийн хүч сулралын улмаас унжсан,

булчин ихтэй нүдтэй тохиолдолд

давхраа нь хэт зузаан харагдах, эсвэл

2, 3 давхар үрчлээс үүсэж харагдах магадлалтай тул

засал хийхээс өмнө нарийн зөвлөгөө авч байж

шийдэх нь зүйтэй.

Зүсэлтгүй арга нь нэг төрлийн аргаар

тод бөгөөд байгалийн мэт харц,

нүүрний хэлбэртэй зохицсон харц,

том бөгөөд цоглог нүдтэй болгож өөрчлөхөөс гадна

бусдад таатай сэтгэгдэл төрүүлэхүйц төрхтэй болох зэрэг

олон төрлийн үр дүнг авчрах боломжтой.

Зүсэлттэй арга нь өөрт тохирох өндрөөр

загварыг гаргасны дараа арьсыг зүсэж,

шаардлагагүй булчин, арьс болон өөхийг авдаг.

Мөн сорви үлдээхгүйн тулд нямбайлан

Арьсыг оёж нийлүүлэх арга юм.

зовхи зузаан, өөх ихтэй тохиолдолд,

зовхи суларч, унжсан тохиолдолд,

Илүү тод харагдах, бат бөх зураастай болохыг хүссэн тохиолдолд гэх мэт

бараг бүх төрлийн нүдэнд хэрэглэх боломжтой бөгөөд

түгээмэл хийгддэг арга юм.

Зүсэлттэй арга нь тод, тодорхой давхрааг

үүсгэж болох бөгөөд том, тод давхраатай харцыг бий болгодог.

Мөн арьсны булчин болон өөхийг авснаар

зовхи унжилтыг засахад үр дүнтэй бөгөөд

арилах вий гэж санаа зовох зүйлгүй, насан туршийн нүдийг бүтээж болно.

Хагас зүсэлттэй арга нь зүсэлттэй болон зүсэлтгүй аргын

дундын хэлбэрийн арга бөгөөд жижиг зүслэгээр дамжуулан

өөхийг авч, жинхэнэ арьс болон булчингийн хальсыг шууд

харж бэхлэх боломжтой арга тул

зүсэлтгүй аргатай харьцуулахад арилах магадлал бага,

зүсэлттэй аргатай харьцуулахад хаван болон сорив бага байдаг.

Зовхины өөх эсвэл булчингийн улмаас

оёдол тавих арга тохиромжгүй тохиолдолд,

оёдолтой (зүсэлтгүй) аргаас илүү бат бөх тогтоцтой

давхраа хүсэж байгаа тохиолдолд,

зовхийг бүрэн зүсэх нь

дарамттай санагдаж байгаа тохиолдолд,

оёдолтой аргаар хийлгэсэн боловч давхраа нь арилсан тохиолдолд

хагас зүсэлттэй аргыг хэрэглэх боломжтой.

Хагас зүсэлттэй арга нь зүсэлттэй болон зүсэлтгүй аргын

сул талыг нөхөж, зөвхөн давуу талуудыг нь шингээсэн арга тул

хаван, сорив, сэтгэл санааны дарамтыг багасгадаг арга гэж

үзэж болно.

Давхраа хийх ажилбар нь хэдийгээр эртнээс хийгдэж ирсэн,

олон хүн хийлгэдэг байлаа ч гэсэн

эмнэлгийн мэргэжилтний ур чадварыг сайтар нягталж үзсэний дараа

сонгох нь чухал юм.

Заримдаа буруу төлөвлөгөө гаргаж хийгдсэн тохиолдолд

сорвижилт, давхрааны тэгш бус байдал, давхраа арилах төдийгүй

нүд дутуу анигдах, хиам шиг бүдүүн болох зэрэг гаж нөлөө

үүсэх эрсдэлтэй байдаг учраас тэр юм.

Сорвижилт гэдэг нь зүсэлт хийсэн хэсгийн хаван

буулгүй хэвээр үлдэх эсвэл

хатуурч бөөгнөрөн арьсны гадаргуу

овгор товгор болох юмуу хатуурах

хэлбэрийг хэлэх бөгөөд

эмнэлгийн ажилтан биш энгийн хүн харахад

сорвижилт уу эсвэл ердийн хаван уу гэдгийг

шууд ялган танихад хэцүү байдаг.

Нүд дутуу анигдах шинж нь арьсыг хэт их авснаас болж

нүд бүрэн анигдахгүй байх төлөв байдлыг

хэлдэг бол,

хиам шиг нүд гэдэг нь давхраа хийлгэсний дараа

зүсэлт хийсэн хэсэг хавдах юмуу давхрааны зураас хэтэрхий

зузаан болсон тохиолдлыг хэлэх бөгөөд

хавагнаж хөөсөн давхрааны зураас нь харахад ч

эвгүй төдийгүй зовхи унжих шалтгаан нь

шийдэгдээгүйгээс болж нойрмог харагдах, эсвэл

хүнд тохиолдолд толгой өвдөх шалтгаан болдог.

Иймэрхүү сорвижилт, нүд дутуу анигдах, хиам шиг нүд зэрэг

сөрөг үр дагавар гарвал

дахин энэ процессыг давтан туулах шаардлага гарч болзошгүй

тул анх энэ ажилбарыг хийлгэхдээ

сайтар нягтлан харьцуулж үзээд шийдвэр гаргах нь

зүйтэй юм.

Манай эмнэлэг нь зөвлөгөө өгөхөөс эхлээд эдгэрэлтийн явцыг хянах хүртэл

1:1 тусгайлан нарийн анхаарч ажилладаг байгаа.

Везалиус (бага температур болон тусгай долгионоор

резонанс үүсгэгч төхөөрөмж бөгөөд эд эсийн гэмтэл бараг байхгүй,

хавагналт багатай тул өдөр тутмын амьдралдаа хурдан шилжих боломжтой) болон

Клавьон Full HD дуран (зүсэлтийн хэсгийг

өөрийн нүдээр шууд харж, ялгалт хийдэг тул

эд эс болон мэдрэлийн гэмтлийг багасган

өвдөлт, цус алдалтыг бууруулах боломжтой) зэрэг

төрөл бүрийн эмнэлгийн тоног төхөөрөмжийг ашиглан

аюулгүй, нарийвчлалтайгаар сайжруулалтыг хийж байгаа бөгөөд

хүн бүрийн биеийн онцлогт тохируулан

системтэй дараах арчилгааны тогтолцоог хэрэгжүүлж байгаа тул

найдвартай газарт тод, үзэсгэлэнтэй

нүдний хэлбэрийг бүтээгээрэй.

Зөв гоо сайхны мэс заслын зарчим,

Таны тэнцвэрийг тодорхойлон загварчилж,

төгс үр дүнд хүрэхийн тулд хичээн ажиллах болно.

Завгүй ажилтан болон оюутан залууст зориулан

оройн цагаар үзлэг, эмчилгээ хийж байна.

Дээрх цагийн хуваарийг лавлан,

өөрт тохиромжтой цагтаа ирж үйлчлүүлнэ үү.