Doctor's Column

Хамар гоо сайхны мэс заслын жинхэнэ гол цөм нь "өндөр" биш харин "бүтэц" юм. Зүгээр л хамрын үзүүрийг өргөж, хамрын нурууг өндөрлөх бус, хамрын анатомийн бүтэц болон үйл ажиллагааг ойлгож байж мэс заслын үр дүн байгалийн мэт харагдаж, удаан хадгалагдана. SH гоо сайхны мэс заслын эмнэлэг энэхүү нийтлэлээрээ хамрын мэс заслын үндсэн бүтэц болох яс, мөгөөрс, зөөлөн эдийн үүрэг, мөн мэс заслын арга тус бүрийн (битүү, нээлттэй, давтан мэс засал) зорилго болон хязгаарыг анатомийн үүднээс тайлбарлаж байна. Ялангуяа хиймэл материалын (Medpor®, силикон, Mesh гэх мэт) сөрөг нөлөөний тохиолдолд үндэслэн, давтан мэс засалд ихэвчлэн ашигладаг өөрийн хавирганы мөгөөрс, донорын хавирганы мөгөөрс, таславчийн мөгөөрс, чихний мөгөөрс тус бүрийн давуу болон сул талыг бодит эмнэлзүйн туршлага дээр тулгуурлан тайлбарлаж байна. Хүний биеэс гаралтай материалыг ашиглах болсон шалтгаан нь ердөө "аюулгүй байдал"-аас гадна үрэвсэл, хэлбэр алдагдах, шимэгдэлтийн хувийг хянах, нөхөн сэргээх боломж зэрэг бүх талаараа "биед нийцтэй" байдагт оршино.

Энэхүү нийтлэл нь хамрын мэс засал хийлгэхээр төлөвлөж буй бүх үйлчлүүлэгчдэд "өөрийн хамрын бүтцийг ойлгох нь" хамгийн аюулгүй мэс заслын эхлэл гэдгийг ойлгуулах болно.

Нүүрний төрх дизайнеp, SH гоо сайхны мэс заслын эмнэлгийн ерөнхий эмч Ким Сон Хүн

"Хамар гоо сайхны мэс засал бол 'хэлбэр'-ийг биш, харин 'бүтэц'-ийг засах мэс засал юм."

Олон хүмүүс хамрын мэс заслын зөвлөгөө авахаар ирэхдээ ингэж асуудаг.

"Эмч ээ, миний хамар намхан болохоор өндөрлөх ёстой юу? Хамрын үзүүр унжсан тул дээш өргөх хэрэгтэй юу?"

Гэвч хамар нь зөвхөн өндрөөр нь үнэлж болох тийм бүтэц биш юм.

Анагаах ухааны хувьд хамар нь яс, мөгөөрс, зөөлөн эд хоорондоо уялдаж нэгэн "тулгуур бүтэц (framework)"-ийг бүрдүүлдэг нарийн нийлмэл эрхтэн юм.

Энэхүү бүтэц нурвал, хичнээн өндөр болгосон байлаа ч цаг хугацаа өнгөрөх тусам хэлбэр нь алдагдах, амьсгалахад хүндрэлтэй болох, эсвэл хамрын үзүүр унжих зэрэг асуудлууд гардаг.

Олон улсын гоо сайхны мэс заслын судалгааны өгүүллүүдэд ч энэ тухай тодорхой онцолсон байдаг.

Америкийн гоо сайхны мэс заслын нийгэмлэгийн сэтгүүл болох

Aesthetic Plastic Surgery-д нийтлэгдсэн "Evidence-Based Nasal Analysis for Rhinoplasty: The 10-7-5 Method" өгүүлэлд:

"Мэс заслын өмнө өвчтөний хамрыг эгц урдаас, хажуунаас, доороос нь системтэйгээр шинжлэх нь,

гоо зүйн харьцааны өөрчлөлтийг тодорхойлж, түүнийг сэргээх суурь болдог.

Хамрын бүтцийн гол уялдаа холбоог ойлгоогүй нөхцөлд хийгдсэн засвар нь,

өчүүхэн жижиг өөрчлөлт бүхэл бүтцэд үзүүлэх дараалсан сөрөг үр дагаврыг үл тоомсорлоход хүргэдэг."

гэж тайлбарласан байдаг.

Түүнчлэн Surgical Anatomy of the Nose: A Fundamental Pillar in Modern Plastic and Reconstructive Surgery өгүүлэлд:

"Хамар нь яс, мөгөөрс, арьс, зөөлөн эд, судас, мэдрэл органик байдлаар хоорондоо уялдсан цогц бүтэц юм.

Энэхүү бүтцийн талаарх ойлголтгүйгээр гоо сайхны үр дүн ч, үйл ажиллагааны тогтвортой байдал ч баталгаажсан хамрын мэс заслын үр дүн тогтвортой байж чадахгүй бөгөөд,

үйл ажиллагааны алдагдалгүйгээр гоо зүйн зохицлыг олох нь хэцүү."

гэж дурдсан байдаг.

Эцэст нь, хамар гоо сайхны мэс засалд "бүтэц"-ийг ойлгоно гэдэг нь зүгээр нэг анатоми судлах явдал биш юм.

Мэс заслын төлөвлөгөө өөрчлөгдөж, материалын сонголт өөрчлөгдөн, үр дүнгийн хадгалагдах хугацаа өөрчлөгддөг.

Тиймээс манай SH гоо сайхны мэс заслын эмнэлэг нь хамрын үзүүр засах эсвэл давтан мэс заслын зөвлөгөө өгөхдөө ч үргэлж хамгийн түрүүнд бүтцийг тайлбарладаг.

Учир нь түүнд үндэслэн ямар мөгөөрсөөр бэхжүүлэх, хүний биеэс гаралтай ямар материал хэрэгтэйг шийддэг билээ.

Энэ дугаараар яг тэрхүү бүтцийг нэг нэгээр нь авч үзэх болно.

Хамрын яс, мөгөөрс болон зөөлөн эд хэрхэн зохицох ёстой,

мөн яагаад хүний биеэс гаралтай материал нь тухайн бүтцийг хамгаалах хамгийн найдвартай гарц болохыг хамтдаа сонирхоцгооё.

Хамрын бүтэц: Яс + Мөгөөрс + Зөөлөн эд

Хамрын дээд 1/2 нь хамрын яс (nasal bone)

яснаас тогтох бөгөөд 2 хамрын яс голдоо хоорондоо нийлсэн байдаг

Хамрын дээд нурууг тулж өгдөг бүтэц

Яс нь хатуу тул янзлахад амаргүй бөгөөд их хэмжээний өөрчлөлт хийхэд хэцүү байдаг.

Доод 1/2

— Дээд хажуугийн мөгөөрс (upper lateral cartilage)

Амьсгалын зам (хамрын хавхлага, nasal valve)-ыг нээлттэй байлгахад чухал бүтэц юм.

Энэ хэсгийг хэтрүүлэн хөндвөл хамар битүүрэх эсвэл муруй хамар үүсэж болно.

— Хамрын таславч (septal)

Хамрын үзүүрийг тулж өгдөг хамгийн чухал баганын үүрэг гүйцэтгэдэг мөгөөрс юм.

Хамрын таславч нурсан тохиолдолд эмээл хэлбэрийн хамар (Saddle nose) буюу хонхойж унжсан хамар болж болно.

— Доод хажуугийн мөгөөрс (alar cartilage)

Хамрын угалзыг бүрдүүлдэг мөгөөрс бөгөөд хамрын хэлбэр, чиглэлийг тодорхойлдог чухал мөгөөрс юм.

Хамрын гоо сайхны мэс заслын үед олон янзын хэлбэрт оруулж засдаг мөгөөрс юм.

Энэ гурван зүйл тэнцвэртэй байж чадахгүй бол цаг хугацаа өнгөрөхөд хамрын үзүүр унжих, нэг тийш муруйх, эсвэл амьсгалахад хүндрэлтэй болох үйл ажиллагааны асуудал үүсдэг.

Тиймээс хамрын гоо сайхны мэс заслын мөн чанар нь ердийн нэг хэлбэр засах бус, бүтцийг нь сэргээж бэхжүүлэх явдал юм.

Ази хүмүүсийн хамрын гоо сайхны мэс заслын чиг хандлага

Ази хүмүүсийн хувьд хамрын гоо сайхны мэс засалд зөвхөн "хамрыг өндөрлөх" гэсэн ойлголтоор хандаж болохгүй.

Ихэнх хүмүүс намхан хамраа засуулахыг хүсдэг боловч жинхэнэ төгс хамар бол "өндөр" болон "урт" нь төгс зохицсон хамар байдаг.

Хамрын үзүүр нь зөвхөн дээшээ өргөгдөх юм бол ээтэн харагдахад амархан байдаг.

Тиймээс хамрын үзүүрийг өндөрлөхийн зэрэгцээ хамрын уртыг жам ёсоор нь уртасгах,

энэ хоёр шаардлагыг хоёуланг нь хангаж байж нүүрний харьцаанд нийцсэн үзэсгэлэнтэй, тэнцвэртэй хамрын шугам бүрдэнэ.

"Хамрыг өндөрлөнө" = Хамрын үзүүрийн өндөр нэмэгдэнэ. X

-> Хамар ээтэн болохгүйгээр жам ёсоороо уртсаж, өндөр болно. O

Дээрх хоёр шаардлагыг хоёуланг нь хангаж байж нүүрний харьцаанд нийцсэн үзэсгэлэнтэй, тэнцвэртэй хамрын шугам бүрдэнэ.

Энэ үед чухал зүйл нь зөвхөн "хэр зэрэг өндөрлөх" биш, харин ямар аргаар, ямар материалаар өндөрлөх вэ гэдэг юм.

Хамрын уртыг тулж барьж байдаг зүйл нь эцсийн дүндээ мөгөөрсний бүтэц тул,

мэс заслын буруу хандлага эсвэл хиймэл материалд түшиглэсэн суулгац нь цаг хугацаа өнгөрөхөд хамрын үзүүр доош унжих эсвэл ээтэн болох үзэгдлийг үүсгэж болзошгүй.

Ялангуяа Ази хүмүүс арьс зузаан, мөгөөрс сул байдаг тул,

бүтцийг нь босгож өгөх мэс заслын хандлага (нээлттэй, бүтцийн засал дээр суурилсан) болон

Хангалттай тулгуур хүчтэй хүний биеэс гаралтай материал (өөрийн хавирганы мөгөөрс, хамрын таславчийн мөгөөрс гэх мэт)-ыг сонгох нь

үр дүнгийн тогтвортой байдал болон удаан хадгалагдах чанарыг шийддэг.

Хагалгаанд ашигладаг гол мөгөөрсөн материалуудын харьцуулалт

Хиймэл материал биш, хүний биеэс гаралтай найрлага чухал байдаг шалтгаан

Хамар бол зүгээр л гадаад үзэмжийг чимдэг эрхтэн биш юм.

Арьс, мөгөөрс, салст бүрхэвч хоорондоо нарийн холбогдсон нийлмэл бүтэцтэй тул

гадны биет ороход бие махбод шууд л "энэ минийх биш" хэмээн хариу урвал үзүүлдэг.

Иймээс хамар нь гадны биетэд маш мэдрэмтгий эрхтэн юм.

Силикон эсвэл Medpor®, Mesh зэрэг хиймэл материалууд нь эхний үед хэлбэрээ сайн барьдаг ч

цаг хугацаа өнгөрөх тусам үрэвсэх, агших, хэлбэр алдагдах, шимэгдэх зэрэг асуудал үүсгэх тохиолдол олон байдаг.

Үүний үр дүнд үрэвсэл, агшилт (эд эс үрчийж агших үзэгдэл), шимэгдэлт, цаашлаад арьсны цусны эргэлт гэмтсэнээс үүдэлтэй хэлбэрийн өөрчлөлт үүсэж болно.

Харин хүний биеэс гаралтай найрлага (өөрийн эд эс, донорын эд эс гэх мэт) нь биологийн зохицол өндөртэй байдаг.

Мөн үрэвсэл үүсэх магадлал мэдэгдэхүйц бага байдаг.

Үрэвслийн эрсдэл багасах: Гадны биетийн эсрэг урвал бараг гардаггүй.

Шимэгдэлтийн түвшинг урьдчилан таамаглах боломжтой: Өөрийн эд эсийн амьдрах чадварыг тооцоолох боломжтой.

Эд эсийн гэмтлийг хамгийн бага түвшинд байлгах: Хиймэл материалыг авахад үүсдэг хоёрдогч гэмтэл байхгүй.

Давтан хагалгааны үед уян хатан байдлыг хангах: Дахин сэргээхэд хялбар бөгөөд хэлбэр алдагдах нь бага байдаг.

Эцсийн дүнд хамар өө сэв засах мэс засалд хүний биеэс гаралтай найрлага чухал байдгийн шалтгаан нь "байгалийн сэргээгдэх чадвар"-т оршино.

Өөрөөр хэлбэл, хүний биеэс гаралтай найрлага нь зүгээр л "аюулгүй учраас" биш,

бүтцийг хамгаалж, үр дүнг удаан хугацаанд хадгалах хамгийн суурь сонголт юм.

Царай төрх загварчлагч, ерөнхий эмч Ким Сон Хүний эргэцүүлэл

Хамрын хагалгаа хийхдээ би үргэлж "бүтцийн сэргээн засалт"-ыг нэн тэргүүнд тавьдаг.

Учир нь хамар бол зөвхөн гоо сайхны эрхтэн биш,

амьсгалж, нүүрний тэнцвэрийг шийддэг гол төв тэнхлэг учраас тэр юм.

Өөрийн хавирганы мөгөөрс нь бүтцийн бат бэх чанар болон эдгэрэлтийн тогтвортой байдлаараа хамгийн шилдэг нь боловч

бүх өвчтөнд хэрэглэх боломжгүй юм.

Донорын хавирганы мөгөөрс нь сайн хувилбар боловч

шимэгдэлтийн түвшин болон донорын наснаас хамаарч үр дүн өөр байж болно.

Тиймээс мэс заслын өмнө цогц үнэлгээ заавал хийх шаардлагатай.

Хамгийн гол нь анатомийн ойлголт юм.

Эдийн чиглэл, мөгөөрсний уян хатан чанар, арьсны зузаан болон уян хатан байдлыг хүртэл тооцож байж сая “байгалийн мэт хамар” бий болдог.”

FAQ

А1. Өөрийн хавирганы мөгөөрс хэрэглэвэл сорви үлдэх үү?

Хөхний товчны доод хэсэг эсвэл суганы орчимд хамгийн бага зүслэг хийж авдаг тул ихэнхдээ бараг анзаарагддаггүй.

А2. Донорын хавирганы мөгөөрс аюулгүй юу?

Ариутгах болон эс цэвэрлэх явцыг дамждаг тул харшилж, гологдох хариу үйлдэл бараг гардаггүй. Гэвч шимэгдэх хувь хүн бүрт харилцан адилгүй байдаг.

А3. Чихний мөгөөрс бүтцийн хувьд сул биш үү?

Тийм ээ, үнэн. Гэвч муруй хэлбэр шаардлагатай хэсэг эсвэл туслах шилжүүлэн суулгалтад маш тохиромжтой байдаг.

А4. Хиймэл суулгацыг авхуулсны дараа хэзээ дахин хагалгаанд орох боломжтой вэ?

Үрэвслийн байдлаас хамаарах боловч ихэвчлэн 3–6 сарын дараа тогтворжсон үед нь сэргээн засах хагалгааг хийдэг.

А5. Өөрийн хавирганы мөгөөрс болон донорын хавирганы мөгөөрс сонгох шалгуур юу вэ?

Сорвиноос эмээх байдал, биеийн галбир, эдийн төлөв байдал, хагалгааны хүндрэлийн зэрэг зэргийг цогцоор нь дүгнэж шийддэг.

А6. Хиймэл суулгац хэрэглэж болохгүй шалтгаан нь юу вэ?

Халдвар, агшилт, арьсаар нэвт гэрэлтэх зэрэг асуудал үүсэж болох бөгөөд авхуулах үед эдийн гэмтэл их байдаг.

А7. Хавирганы мөгөөрсний хагалгааны дараа өвдөлт хэр удаан үргэлжлэх вэ?

Ихэнхдээ 3 хоногийн дотор намдаж, 1 долоо хоногийн дотор өдөр тутмын амьдралдаа эргэн орох боломжтой.

А8. Донорын хавирганы мөгөөрс нь дараа нь шимэгдээд алга болчихвол яах вэ?

Шаардлагатай тохиолдолд өөрийн эдээр нөхөн сэргээж, бүрэн дахин засах боломжтой.

А9. Хамрын гоо сайхны хагалгааны дараа амьсгалахад хүндрэлтэй болж болох уу?

Энэ нь хамрын хавхлага гэмтсэнтэй холбоотой бөгөөд үйл ажиллагааны заслыг зайлшгүй хамтад нь хийх ёстой.

А10. Дахин хагалгаа хийлгэхэд хамгийн чухал зүйл юу вэ?

Өмнөх хагалгаагаар гэмтсэн бүтцийг нарийн зөв шинжлэн дүгнэж, анатомийн хувьд сэргээн засах боломжтой материалыг сонгох явдал юм.

(22) #ХамрынДавтанХагалгаа-г хэзээ хийлгэж болох вэ? Төгс харагдуулах #ХамрынУгалзНарийсгах хагалгааны талаар ч бас мэдэж авцгаая! - YouTube

Мэс засалгүйгээр #хамрынугалзнарийсгах боломжтой юу?

Эс Эйч (SH) гоо сайхны мэс заслын эмнэлэг